عاشق وطن
المساهمات : 13
تاريخ التسجيل : 21/01/2009
 | موضوع: دلول الجرح بغداد  الجمعة 13 فبراير 2009, 11:15 pm | |
| دللول الجرح دللول الجرح بينه .. دللول .. شينيّم جرحنه .. وليلنه يطول .. رافگنه الحزن .. والالم والآه .. وجنينه دموعنه .. من الوكت محصول .. دللول ..
* * * دللول اعله اهلي .. وبيتي والناس .. ودللول اعله دجلة .. وابو نؤاس .. هذا الصار بينه ايشيب الراس .. امنه الگبل .. ما هزتهه الهموم .. شجاهه وهسه تبچي .. وحگهه ماكول .. دللول ..
* * * دللول الحزن نايم بالعيون .. والناس اعله صوت الون .. ينامون .. يبغداد العزيزة احوالچ شلون ..؟
چان الگمر بين احضانچ اينام .. هسه بيا حضن نلگاه مكتول ..؟
دللول * * * منريد بيچ الاجنبي يدوس .. ومنريد من كل شامت فلوس .. ردناچ هيبه النه .. وناموس .. يا اغله واجمل .. كل الاوطان .. ريت اليضدچ .. يبقى مشلول .. دللول * * * دللول الجرح .. والجرح ميهيد .. ولا فرحه التمرنه .. ابجية العيد .. خلص بينه العمر واحنه بمواعيد .. يا موعد فرحنه الما لگيناك .. بعذارك بعد شتعيد .. شتگول ..؟
دللول * * * دللول المصايب .. وحده وحده .. ولا حيل البعد .. والهم نصده .. ننخامن بعد ساعة الشده ..؟
انواع الشدايد شفنه واشكال .. كل شده التجينه ابسيف مسلول .. دللول | |
|
نمر العراق
Admin
المساهمات : 212
تاريخ التسجيل : 19/04/2008
| | موضوع: رد: دلول الجرح بغداد السبت 14 فبراير 2009, 12:04 am | |
| مشكور اخويه على الموضوع الروعه
و ان شاء الله الابداع المتواصل
وقضاء اسعد الاوقات في المنتدى
تحياتي للجميع | |
|
سنفورة بغداد
المساهمات : 128
تاريخ التسجيل : 24/01/2009
| | موضوع: رد: دلول الجرح بغداد السبت 21 فبراير 2009, 1:51 pm | |
| | |
|
