عاشق وطن
المساهمات : 13 تاريخ التسجيل : 21/01/2009
| موضوع: ماعوفك جذب الأربعاء 21 يناير 2009, 2:34 am | |
| ماعوفك چذب اسكتهن ويبچن .. والدموع الوان .. عيوني وعالبواچي .. مالهن ثاني .. شلت بيدي الجمر .. والحرگة احس بالروح .. ولا گلت لشماته .. الجمر چواني .. اطحن قهر والهم ياكل ويه الروح .. منشوفن ذكرياتك .. فوگ حيطاني .. عفتني ابليل وحدي .. والطريق طويل .. تيهتك .. وجرحي اعليك دلاني ..!! ماعوفك چذب .. والگالك چذاب .. ولا تگدر حبيبي بيوم .. تنساني .. من تضحك .. تردك ضحكتك للشوگ .. ومن تحزن .. تشوف ابعينك احزاني .. اسرارك ابگلبي .. وما بحت فد يوم .. ولا گدروا عليه .. وباگوا لساني .. ضميتك جرح .. واتچه عالاحاه .. وامكابر ضحكت .. اگبال عدواني .. من تيهت روحي ورادوا يدورون .. اجو يمك .. لأنك انت عنواني .. فرغت سلتي .. وماظل اليه متاع .. ما حنيت .. وانته ابوسط بستاني .. حاطتني السيوف .. ويمي صار الموت .. وانت ابعيد گاعد .. گلي شمتاني ؟؟ ما ظن قصرت .. والعشرة صار اسنين .. ورهمت اعله بردك .. طبع نيراني .. بعدك بالگلب .. متربع ومرتاح .. وعطرك لسه اشمه .. ابين قمصاني .. يالنايم .. عيونك ما تمل النوم ..؟ وآنه اعله السهر .. متعوده اجفاني .. بدموعي رويتك .. همي بس تصير .. عفت زرعي وتركته .. وذبلت اغصاني .. سألوني عليك .. وجاوبت الدموع .. اسكتهن .. ولكن غلبن لساني .. عرفوا كلشي بيه .. وكشفوا الاسرار .. لأن حبك لوحدك .. هو بچاني .. عشت وياك دنيا .. ويوم ياكل يوم .. سجين ابقفص حبك .. وانت سجاني .. ابرد ثلج يمك .. واستر المضموم .. اخاف اعليك من نيران بركاني .. دليت الفرح من شفته يمك چان .. اجت يمي الاحزان .. وهو ماجاني ..
عدل سابقا من قبل نمر العراق في الأربعاء 21 يناير 2009, 2:02 pm عدل 2 مرات (السبب : تعديل) | |
|
نمر العراق Admin
المساهمات : 212 تاريخ التسجيل : 19/04/2008
| موضوع: رد: ماعوفك جذب الأربعاء 21 يناير 2009, 2:09 pm | |
| ماعوفك چذب اسكتهن ويبچن .. والدموع الوان .. عيوني وعالبواچي .. مالهن ثاني .. مشكوووووووووور اخويه على القصيده الروعــــــــــــــــــــــــــــــــــــــــه اتمنالك التواصل معنا في المنتدى تحياتي اخوكم نمر العراق
عدل سابقا من قبل نمر العراق في الأربعاء 21 يناير 2009, 2:12 pm عدل 1 مرات (السبب : تعديل) | |
|
العميل007
المساهمات : 188 تاريخ التسجيل : 19/04/2008
| موضوع: رد: ماعوفك جذب السبت 24 يناير 2009, 5:44 pm | |
| الف شكر على الخواطر الرائعة ننتظر جديدك نحياتي | |
|
سنفورة بغداد
المساهمات : 128 تاريخ التسجيل : 24/01/2009
| موضوع: رد: ماعوفك جذب الجمعة 06 فبراير 2009, 3:56 pm | |
| مشكور عيني على الخاطرة الرائـــــــــــــعه و ننتظر جديدك تحياتي الك و لجميع الاعضاء | |
|