صحيح الزمن قاسي بس الاخلاص شي اساسي
ومهما يصير صدقني صداقتك تاج على راسي
متروسة روحي هموم محد حملهه
مدري من اشوفك ليش انساهه كلهه
صبح وعصر وغروب وبوحشة الليل
وبكل دقيقة الروح تشتاكلك حيل
مشتاق يا وفي بس قلبي بمسج ما يكتفي
النار بيه موجودة وبشوفتك بس تنطفي
تطيب جروح القلب لو وصلن رسايلكم
تدرون مو بالمسج بروحي اجاوبكم
عليك عيوني تسالني مشتاقة لشوفتك هسة
واحلف ماامل منك هم احد يمل نفسه
قمر انته ياصاحبي حتى لو صابك خسوف
ضوة انته وبيك امشي وبلياك مااكدر اشوف
شنو هالجمال البيك كيكة وعليهه شموع
لك ولله اخاف عليك من تضحك تموع
اذا تنسونه ماننسه انتو للقلب ونسة
ياريت الدرب خطوات نجي ونشوفكم هسة
لا تظن حي وانساك يا اغلى ناسي
كل البشر عالكاع وانته عالى راسي
تدري شعمل فركاك من غبت عني
جثة وعليها تراب محد حملني
ذبحني القلب باشواكه ونار البعد حراكة
بقت كلمة تصبرني مصير الغالي يتلاكه
جايز الوقت مايسمح اتكلم معاك والعين مامكتوبلهه تراك
بس القلب عمره ماينساك